Parij—2024. Bronza uchun bir qadam: Vardanyan va Assakalov o‘tish bahsida g‘alaba qozondi

Fransiyaning Parij shahrida yozgi Olimpiada bahslari davom etmoqda.

Yunon-rum kurashchisi Aram Vardanyan bronza medali uchun o‘tish bosqichida muvaffaqiyatli ishtirok etdi. Sportchi bellashuvda jazoirlik Abdelkrim Oukalini mag‘lubiyatga uchratishga erishdi. Endi u -77 kg vazn toifasining sovrindorlar qatoridan joy olish uchun armanistonlik Malxas Amoyan bilan bellashadi.

Yana bir “klassik” kurashchi Rustam Assakalov (-97 kg) ham kechki dasturda (7-avgust) bronza medali uchun kurashish imkoniyatini saqlab qoldi. Janubiy Koreya vakili Song Jun Kim bilan bellashgan o‘zbek sportchisi ajoyib g‘alabasi bilan Olimpiada medali sari yana bir qadam tashladi. Endi u bu yo‘lda kubalik Gabriel Kindelanga qarshi gilamga chiqadi.