Germaniyada suriyalik qochqinlar oilasi kamida 110 ta jinoyat sodir etganlikda ayblanmoqda

Suriyalik 17 yoshli Xalil H. Germaniyada o‘tkazgan so‘nggi ikki yarim yil davomida 34 ta jinoiy jinoyat sodir etgan, deya Bild xabar berdi.

Ma’lum bo‘lishicha, Shtutgartdagi pichoqli hujumdan so‘ng, suriyalik qochqin nihoyat hibsga olingan.

Bild’ga ko‘ra, Suriyaning Halab shahridan Germaniyaga qochgan Xalilning deyarli barcha oila a’zolari Germaniya huquq-tartibot idoralari nazorati ostida. Oila Germaniyada kamida 110 ta jinoyat sodir etgan. Xalilning ikki ukasi hozirda qamoqda, otasi va o‘nta ukasidan to‘qqiz nafari esa politsiya hisobida turadi. Politsiya ma’lumotlariga ko‘ra, Xalilning faqat onasi va bir nafar opasi hali hech qanday jinoyat sodir etmagan.

Xalilning otasi Abd Almudiy 2016-yilda qochqinlar inqirozi avjiga chiqqan paytda Germaniyaga kelgan. Suriyada uning ikkita xotini bo‘lgan, ulardan biri, ba’zi manbalarga ko‘ra, Germaniyaga qochib ketayotganda vafot etgan. Almudiy Germaniyada 12 ta jinoyat sodir etgan, ulardan 7 tasi zo‘ravonlik bilan bog‘liq bo‘lgan uzoq jinoyat tarixiga ega. Zo‘ravonlik jinoyatlarining aksariyati uning qizi Mutiyaga qaratilgan.

Mutiyaning o‘zi 4 ta jinoyat sodir etgan, uning singlisi Faxriya 18 yoshda bo‘lishiga qaramay, allaqachon 14 ta jinoyat sodir etishga ulgurgan. Uning akalari Xolid (sakkizta jinoyat) va Edo (yettita jinoyat) hozirda qamoq jazosini o‘tamoqda.

Ularning 14 yoshli ukasi Mustafo voyaga yetmaganlar uchun maxsus muassasada bo‘lib, 21 ta jinoyatda aybdor deb topilgan. Mazkur oilaning 12 yoshli a’zosi Ali ham Jinoyat kodeksining uchta moddasi bo‘yicha ayblanmoqda.