Qozog‘istonning Satpayev shahrida 4-avgust kuni olti yoshli bola 4-qavatda joylashgan xonadon derazasidan tushib ketdi. Bu haqda Tengrinews xabar berdi.
Xabarga ko‘ra, hozirda shifokorlar uning hayoti uchun kurashmoqda.
Xuddi shu kuni Olmaotada olti yoshli qiz ikkinchi qavat derazasidan qulab tushgan. U ko‘plab tan jarohatlari bilan kasalxonaga yotqizilgan.
Shuningdek, 3- avgust kuni Ostonada bir yoshli bola beshinchi qavatdagi derazadan yiqilishi natijasida turli tan jarohatlari bilan kasalxonaga yotqizilgan.
Shu kuni Olmaotada uch yoshli qizaloq 15-qavat derazasidan tushib ketishi oqibatida halok bo‘lgan.
Temirtau shahrida 3-avgust kuni olti yoshli bola uchinchi qavatdagi derazadan qulab tushgan. U kasalxonaga yotqizilgan.
Mamlakat Favqulodda vaziyatlar vazirligi qozog‘istonliklardan bolalarni derazadan qulashdan himoya qilish choralarini ko‘rishni so‘ragan. Buning uchun:
- bolalarni qarovsiz qoldirmaslik;
- bolalar bo‘lgan kvartiralarning derazalarini maxsus himoya vositalari bilan jihozlash;
- bola derazani o‘zi ocholmasligi uchun deraza tutqichlarini to‘sib qo‘yish;
- bola derazaga chiqa olmasligi uchun mebelni derazadan uzoqroqqa joylashtirishni tavsiya qilgan.
Izoh (0)