Amerikalik mashhur xonanda Jastin Timberleyk mast holda mashina haydagani uchun sud qarori bilan vaqtinchalik haydovchilik guvohnomasidan mahrum qilindi, deb xabar bermoqda People Talk.
Avvalroq Jastin Timberleyk Nyu Yorkda mast holatda mashina haydagani uchun hibsga olingani haqida ma’lum bo‘lgan edi. Yulduz 17-iyun kuni mashina haydash chog‘ida to‘xtash belgisiga amal qilmagani hamda alkotester tekshiruvidan o‘tishdan bosh tortgani sababli kechqurun Sag Harbor okrugidagi huquq-tartibot idorasiga keltirilgan.
“Justin Timberleyk 2-avgust juma kuni mazkur ish bo‘yicha sud majlisida ishtirok etdi va sudya pop-yulduzning haydovchilik guvohnomasi to‘xtatilishini ma’lum qildi”, deyiladi manbada.
Xonandaning haydovchilik guvohnomasi noma’lum muddatga o‘z kuchini yo‘qotgan va hujjat qachon tiklanishi haqida ma’lumot berilmagan.
O‘zini turli sohalarda sinab ko‘rgan amerikalik yulduz Jastin Timberleyk xonanda, qo‘shiqlar muallifi, aktyor, prodyuser, raqqos va kompozitor sifatida tanilgan. “Ijtimoiy tarmoq” filmidagi ijrosi Jastinga katta muvaffaqiyat olib kelgan. Xonanda to‘rt marta “Emmi” va to‘qqiz marta “Gremmi” mukofoti sovrindori bo‘lgan.
Izoh (0)