Samarqand viloyati Kattaqo‘rg‘on tumanida tabiiy gazni o‘g‘irlagan yashirin sex faoliyatiga chek qo‘yildi, deb xabar beradi Bosh prokuratura huzuridagi departament.
Qayd etilishicha, departamentning Kattaqo‘rg‘on tuman bo‘limi tomonidan “Hududgaztaʼminot” Samarqand viloyati hududiy filiali xodimlari hamkorligida tergovga qadar tekshiruv o‘tkazilgan. Tekshiruvda “O.A.” MCHJ rahbari U.O. tumandagi “Enam yaxshi” qishlog‘idagi noturar binoda ohak ishlab chiqaruvchi yashirin sex tashkil etib, tijorat maqsadida yuqori bosimli gaz tarmog‘iga o‘zboshimchalik bilan ulanib, 2 million 200 ming kub metr tabiiy gazdan noqonuniy foydalanib, davlat va jamiyat manfaatlariga 3,4 milliard so‘m zarar yetkazgani aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Kattaqo‘rg‘on va Oqdaryo tumanlarida 727,6 mln so‘mlik energiya resurslaridan noqonuniy foydalangani aniqlangan edi.
Izoh (0)