Parij Olimpiadasida dzyudo bo‘yicha musobaqalarning aralash jamoaviy turida bronza medaliga o‘tish bosqichi bo‘lib o‘tdi.
Unda o‘zbekistonliklar Janubiy Koreya dzyudochilari bilan bellashdi.
Bu safar tarkibda Diyora Keldiyorova ham bor edi. Dastlabki bahsni Gulnoza Matniyazova g‘alaba bilan boshlab berdi. Ikkinchi bahsda Davlat Bobonov imkoniyatni boy berdi va hisob tenglashdi.
Uchinchi bo‘lib bahslarga kirishga Irisxon Qurbonboyeva ham mag‘lubiyatga uchradi. Keyingi bo‘lib tatamiga yo‘l olgan Alisher Yusupov ham mag‘lubiyatga uchradi. Beshinchi bo‘lib tatamiga chiqqan Diyora Keldiyorova hisobni qisqartirishga erishdi.
Muhim bahsda Murodjon Yo‘ldoshev Rio—2016 yozgi Olimpiya o‘yinlari finalchisi An Baulga imkoniyatni boy berdi va O‘zbekiston terma jamoasi aralash guruh bahslaridagi ishtirokini yakunladi.
Avvalroq, dzyudochilar chorak finalda italiyaliklarga mag‘lub bo‘lgan edi.
Izoh (0)