Britaniya uch yil ichida Rossiya, Xitoy va Erondan keladigan bir qator tahdidlar fonida yuzaga kelishi mumkin bo‘lgan harbiy mojaroga tayyorlanishi kerak. Bu haqda Britaniya qurolli kuchlar qo‘mondoni general Roland Uoker xabar berdi.
Uning so‘zlariga ko‘ra, urush muqarrar emas, armiyaning tayyorgarlik ko‘rish va mojarodan qochish uchun yetarlicha vaqti bor. General 2027-yilgacha Britaniya armiyasining jangovar kuchini ikki baravar oshirishni asosiy vazifa deb atadi. U “darg‘azab Rossiya” Britaniya va boshqa G‘arb davlatlari Ukrainani qo‘llab-quvvatlagani uchun yaqin yillarda o‘ch olishi mumkinligini aytdi.
“Buning qanday tugashi muhim emas. O‘ylaymanki, Rossiya bu urushdan zaifroq, obyektiv yoki mutlaq chiqadi, lekin baribir juda xavfli. U Ukrainaga yordam berib kelayotganimiz uchun qandaydir qasos olishga intiladi”, dedi u.
Shuningdek, general Xitoy Tayvan ustidan “nazorat o‘rnatmoqchi” ekani, Eron esa yadroviy qurol yaratishga intilishi haqida ogohlantirib, yaqin uch yilda vaziyat keskinlashishi mumkinligini aytdi.
Izoh (0)