Ushbu ro‘yxatda shu yoz Netflix striming platformasida namoyish etilayotgan film va teleseriallar mavjud. Ular orasida turli janrdagi asarlar — dramadan tortib ilmiy fantastika va dahshatli filmlargacha bor.
“Ajoyib o‘yin”
Sobiq yoshlar futbol murabbiyi Mel mashg‘ulot paytida ota-onalar o‘rtasidagi mojaroning oldini oladi. Bredli yigitni uysizlar uchun jahon futbol turniriga tayyorgarlik ko‘rayotgan jamoasi bilan tanishtiradi, lekin Vinni bundan hafsalasi pir bo‘lib, u bu tadbir men uchun emas deb ketadi. Biroz vaqt o‘tgach, murabbiy Vinni mashinada yashashini bilib oladi va unga telefon raqamini qoldiradi. O‘sha daqiqadan katta muvaffaqiyatlarga erisha oladigan va o‘zining eng zo‘r ekanligini hammaga isbotlay oladigan yosh sportchining hayoti tubdan o‘zgaradi.
“Sweet Tooth: bug‘u shoxli bola”
Yaqinda ushbu serialning 8 qismdan iborat uchinchi fasli chiqdi. Ko‘rinishidan, bu yakunlangan syujetli so‘nggi mavsum.
Bu mavsumda shoxli bola Gasning hayajonli sarguzashti davom etadi. U hali ham dunyo bo‘ylab sayohat qiladi, o‘ziga nisbatan tushunmovchilik va adolatsizliklarga duch keladi. U yana o‘zini va yangi do‘stlarini himoya qilishi, o‘tmish sirlarini ochib berishi va yana ko‘p narsalar qilishiga to‘g‘ri keladi.
Birinchi fasl dunyoni noma’lum virus yutib yuborishi bilan boshlanadi. Virus sabab ko‘p odamlar halok bo‘ldi va odamlar hayvonlarning tana a’zolari bilan tug‘iladi.
“Parijdagi akulalar”
Bu Parij qiyofasini g‘ayrioddiy tomondan ochib beradigan fransuz filmi. Aytish mumkinki, bu “Jag‘lar” filmining fransuzcha versiyasi.
Film syujeti chuchuk suvdagi hayotga moslashgan va Parij suv kanallarida yashovchi odamlar hamda xavfli akulalar o‘rtasidagi qarama-qarshilikka qaratilgan. Bir guruh olimlar mahalliy politsiya bilan birgalikda mutatsiyaga uchragan akulalar faol ko‘payishi va shahar aholisiga jiddiy xavf tug‘dirishdan oldin ularni to‘xtatishi kerak.
“Supergen”
Bu super kuchga ega odamlar haqidagi olti qismdan iborat eng yangi serial.
Serialda tasodifan ularga super kuch beruvchi maxsus genni meros qilib olgan bir guruh notanish odamlar haqida hikoya qilinadi. Superqahramon bo‘lish ajoyib, ammo super kuchga ega bo‘lganlarni ta’qib qiladiganlar talaygina. Endi ular superqahramonlar ustida tajriba o‘tkazayotgan olimlar bilan to‘qnash kelishi kerak.
“O‘limimdan bir yil oldin seni uchratdim”
Bu ikki yosh — Akito va Xaruna haqida hikoya qiluvchi yapon dramasi. Ular tuzalmas kasallikka chalingan va bir yildan kamroq umri qolgan. Akito o‘ziga qo‘yilgan tashxisni kutilmaganda bilib qoladi va klinikaga borishga qaror qiladi. U yerda Haruna bilan uchrashadi. Qizga ham xuddi shunday tashxis qo‘yilgan, ammo olti oydan kamroq umri qolgan. Shunga qaramay ular o‘rtasida ishqiy munosabatlar paydo bo‘lib, u haqiqiy sevgiga aylanadi. Biroq Akito kasalligini Harunadan sir saqlashga qaror qiladi, sevgilisi uning ahvoli haqida qayg‘urishini xohlamaydi.
“Beverli Hills politsiyasi: Aksel Fouli”
Ushbu jinoiy triller 80-yillardagi detektiv haqida hikoya qiladi, u hali ham insofsiz, xoin politsiyachilarni ushlashda davom etmoqda.
To‘rtinchi qismda Aksel Fouli ishi qizi tomonidan olib borilayotgan begunoh odamni oqlashi kerak bo‘ladi. Bundan tashqari, u qizi bilan munosabatlarini yaxshilashi kerak. Ular kuchlarni birlashtirgandagina jinoyatchilarni yengishi va poraxo‘r politsiyachilarni fosh etishlari mumkin bo‘ladi.
“Oilaviy ish”
Yosh va tinib-tinchimas Zara mashhur yulduz Kris Koulning shaxsiy yordamchisi, uning sa’y-harakatlari yetarlicha baholanmaganidan charchagan. Qiz har doim rahbarini qo‘llab-quvvatlashga tayyor, hatto u ayoli bilan ajrashganida ham, ammo erkak uning ish haqidagi maslahatlarini e’tiborsiz qoldiradi. Misol uchun, dahshatli film ssenariysini qayta yozish uchun boshqa ssenariynavisni yollash taklifiga e’tibor ham qaratmaydi. Kris haddan oshganda Zaraning sabri tugaydi — endi u yangi ish topishga qaror qiladi.
Izoh (0)