Fransiya prezidenti Emnanuel Makron Olimpiya qishlog‘iga tashrif buyurib, politsiya markazini ochdi hamda ko‘ngillilar va sportchilar bilan uchrashdi.
“Biz bu o‘yinlar ustida ko‘p yillar davomida tayyorgarlik ko‘rdik, juma kuni ochilish marosimini, so‘ngra 100 yildan keyin Parijda bo‘lib o‘tadigan Olimpiya o‘yinlarini, keyin esa Paralimpiya o‘yinlarini ko‘rishimiz mumkin bo‘lgan hal qiluvchi haftaning boshida turibmiz”, deya Makron so‘zlarini keltiradi RMC Sport sayti.
Avvalroq Emannuel Makron Parijdagi (Fransiya) Olimpiada o‘yinlari boshlanishidan oldin Sena daryosida suzib ko‘rishni rejalashtirgan edi. Ammo keyinchalik prezidentning ulgurmasligi ma’lum bo‘ldi. Fransiyaning bir qator rasmiylari ochiq suvda suzish bo‘yicha Olimpiya o‘yinlari o‘tkaziladigan daryoga cho‘milib, suvning tozaligiga ishonch xosil qilishga va’da berdi.
Sport vaziri Ameli Oudea-Kastera o‘tgan dam olish kunlari Senada cho‘milib ko‘rdi.
Ma’lumot uchun, Parij Olimpiadasi 26-iyuldan 11-avgustgacha bo‘lib o‘tadi.
Izoh (0)