Jo Bayden saylov poygasidan chiqishini e’lon qilganidan beri AQSh Demokratik partiyasi kichik donorlar uchun ActBlue platformasida 55 million dollardan ortiq mablag‘ yig‘ishga muvaffaq bo‘ldi.
Ma’lum bo‘lishicha, e’londan so‘ng dastlabki besh soat ichida 27,5 million dollar yig‘ilgan. Keyinchalik ActBlue bir sutkadan kamroq vaqt ichida 46,7 million dollar to‘plagani haqida xabar bergan, bu 2024-yil uchun kunlik rekorddir. Pul Kamala Harrisning saylovoldi kampaniyasiga ham, saylovda qatnashadigan boshqa demokrat nomzodlarga ham yo‘naltiriladi.
Mablag‘lar oqimi hozirgacha biz ko‘rmagan demokratlar ishtiyoqini aks ettiradi, deb ta’kidlaydi Politico.
Platformaga ko‘ra, yig‘ilgan mablag‘ 2020-yilgi rekorddan pastroq. O‘shanda AQSH Oliy sudining eng keksa a’zosi Rut Beyder Ginsburg vafotidan keyin bir kunda 70,6 million dollar yig‘ilgan edi.
Jo Bayden 21-iyul kuni AQSH prezidenti saylovida o‘z nomzodini qaytarib olishini ma’lum qilgan. Amaldagi davlat rahbari bu qarorni Demokratik partiya va butun mamlakat manfaatlarini ko‘zlab qabul qilganini alohida ta’kidlagan. Bayden tez orada xalqqa murojaat qilib, tafsilotlarni aytib berishga va’da bergan.
O‘z maktubida u, ayniqsa, Demokratik partiyadan nomzodlikka asosiy da’vogar sifatida chiqayotgan vitse-prezident Kamala Harrisga alohida minnatdorlik bildirdi va uni saylovlarda qo‘llab-quvvatlashini aytdi.
Demokratlar! birlashish va Trampni yengish vaqti keldi, deb yozgan u X ijtimoiy tarmog‘ida.
Kamala Harris keyinroq hukumatning eng yuqori lavozimiga nomzodini qo‘yishni rejalashtirayotganini e’lon qilgan.
Izoh (0)