Rossiya Fanlar akademiyasi Kosmik tadqiqotlar institutining Quyosh astronomiyasi laboratoriyasi maʼlumotlariga ko‘ra, Yerda magnit bo‘ronlari 20-iyul kuni kuzatilgan hamda 21-iyulda davom etishi kutilmoqda.
Ma’lum bo‘lishicha, 20-iyul kuni magnit bo‘ronlari faolligi soat 15:00 dan 18:00 gacha o‘zining eng yuqori darajasiga yetgan . Bo‘ron kuchi Kr-indeksiga ko‘ra 9 balldan 4 ballni tashkil etgan.
21-iyulda kuchli magnit bo‘roni 20 foizni tashkil etishi kutilmoqda.
Magnit bo‘ronlarining faolligi eng yuqori darajaga yetmasa-da, ob-havoga sezgir odamlar bir qator noxush alomatlarga duch kelishlari mumkin. Odatda bu bosh og‘rig‘i, oyoq-qo‘llardagi zaiflik va apatiya, ba’zi hollarda qon bosimi ko‘tarilishi va mavjud surunkali kasalliklar qo‘zg‘ashi ehtimoli mavjud.
Quyosh faolligining sezilarli darajada oshishi 12-iyuldan beri kuzatilmoqda. 16-iyulgacha bo‘lgan to‘rt kun ichida 10 dan ortiq M darajasidagi chaqnashlar (bu 5 ballik shkala bo‘yicha quyosh hodisalarining to‘rtinchi eng kuchli darajasi), shuningdek ikkita X dan yuqori darajadagi chaqnashlar qayd etilgan.
Izoh (0)