Germaniya kansleri Olaf Shols Ukraina prezidenti Vladimir Zelenskiyning Ukrainaga uchirilgan raketalarni urib tushirish bo‘yicha iltimosini rad etdi. Bu haqda Deutsche Welle xabar berdi.
Zelenskiy nafaqat Germaniya, balki boshqa G‘arb davlatlariga ham tegishli iltimos bilan murojaat qilgan. Siyosatchi Ukrainaga uchirilgan Rossiyaning raketa va dronlarini nishonga olishni so‘ragan. Shols Germaniya qurollaridan Rossiyaga qarshi foydalanish bo‘yicha qo‘yilgan cheklovni olib tashlashga ham rozi bo‘lmagan.
Jurnalistlarning NATOning boshqa mamlakatlari ham bu yondashuvga qo‘shiladimi, degan savoliga javob berar ekan, Olaf Shols shunday degan: “Men shunday konsensusni kuzatyapmanki, bunday qadamlar haqida gap bo‘lishi mumkin emas. AQSH ham bu masalada juda aniq pozitsiyaga ega”.
Avvalroq Olaf Shols Rossiya prezidenti Vladimir Putinning urushni tugatish uchun Ukrainaning to‘rtta hududidan voz kechish taklifiga munosabat bildirgandi. Mazkur taklif 26 000 kvadrat metr hududni Putinga jangsiz topshirishni anglatadi. Bu butun bir boshli mamlakat hududiga teng kela oladi.
Vaziyat ayon: Putin hanuz urush va qayta qurollanishga tayanishda davom etmoqda. Bunga hech kim ko‘z yuma olmaydi. Uning o‘t ochishni to‘xtatish taklifida bu yaqqol aks etgan. Buni taklif ham deb bo‘lmaydi, ammo u ko‘rib chiqishga arziydi.
U nafaqat o‘t ochishni to‘xtatish, balki rus qo‘shinlari hali noqonuniy ravishda bosib olmagan hududlardan voz kechishni o‘z ichiga oladi. Ukrainadan, shuningdek, demilitarizatsiya qilish va kelajakdagi harbiy yordamdan voz kechish talab etilgan. Kimki Ukraina bu vaziyatni yengib o‘tib, Yevropada mustahkam tinchlik o‘rnatiladi, deb ishonsa, ehtimol, Russia Today’ni juda ko‘p tomosha qilayotgandir. Afsuski, Rossiya tinchlikni xohlamaydi. Hujumga uchragan Ukrainagina tinchlikni istaydi. Yangi agressiyaga qo‘rqmasdan va bo‘ysunmasdan adolatli tinchlik o‘rnatish, degan edi Germaniya kansleri.
Izoh (0)