Turk seriallarining hammasi birdek sifatli emas. Yuzlab seriallar orasida muqarrar ravishda qiziq bo‘lmaganlari va yomon kasting tufayli buzilganlari bor. Agar tarixiy loyihalar o‘z brendini saqlab qolishga harakat qilsa, zamonaviy hayot haqidagi seriallarda hamma narsa ancha murakkabroq. Mazkur filmlar “Muhtasham yuz yil” filmidan qolishmaydi, garchi voqealar XXI asrda sodir bo‘lsa ham.
“Psixoterapevt” (2021)
Har bir epizodi alohida hikoya bo‘lgan miniserial. Psixoterapevt Chetin va
shafqatsiz jinoyatda gumon qilingan besh kishi yopiq xonada uchrashadi. Chetin haqiqatni aniqlashi kerak, ammo bu uddalash qiyin bo‘lgan ish.
“So‘nggi yoz” (2021)
Selim Kara ismli prokuror haqidagi melodramatik triller. Sakkiz yil avval u jinoyat olami yetakchisini panjara ortiga qamab qo‘ygandi. Biroq mafiozlar to‘dasi ozodlikda qoladi. Jinoyatchi o‘z qo‘l ostidagilarni tutib berishni taklif qiladi, ammo buning evaziga Selim uning o‘g‘lining xavfsizligini ta‘minlashi kerak.
“50 kvadrat metr” (2021)
Soya laqabli bandit haqidagi jinoiy drama. U katta jinoyatchiga ishlaydi va uzoq o‘tmishda ota-onasini kim o‘ldirganini bilishni maqsad qiladi. Vaziyat rivojlanib borar ekan, fojiada xo‘jayinining qo‘li borligi ma’lum bo‘ladi.
“Butunlay boshqacha” (2023)
Hande Erchel ishtirokidagi jangovar detektiv hikoya. Leyla — shafqatsiz qotillikni tergov qilayotgan prokuror. Teleboshlovchi Kenan unga yordam berishga harakat qiladi. Ammo tez orada u ham qandaydir sirni yashirayotgani ma’lum bo‘ladi.
“Shaxsiyat” (2018)
Ogah — yolg‘iz o‘zi yashaydigan nafaqaxo‘r, u Alsgeymer kasalligidan aziyat chekadi. Kasallik uning xotiralarini yo‘q qilib bormoqda. Bir tomondan, bu qo‘rqinchli. Boshqa tomondan, Ogahning eski orzusi — qonunni buzish imkoniyatini beradi.
“Chuqur” (2017)
Ko‘chavalilar oilasi Istanbulning eng xavfli hududida yashaydi. Ular atrofdagi tartibsizliklarni boshqarishga odatlangan. Biroq raqobatchilar bu kuchli suloladan qutulishga harakat qilishadi. Qarama-qarshi tomonlar o‘rtasida to‘qnashuvlar boshlanadi. Yamach Ko‘chavali esa qallig‘i bilan uyiga qaytadi — endi u o‘zini va sevgilisini himoya qilishi kerak, garchi u allaqachon jinoyat olamidan chiqib ketgan bo‘lsa ham.
“Oila” (2023)
Huliya — o‘z shahridagi eng qudratli ayol. U mafiya klanini boshqaradi. Ayol oilasi haqida, ayniqsa, “biznes”ining merosxo‘ri o‘g‘li Aslan haqida juda qayg‘uradi. Biroq yigit oilasining yordamisiz yashashni xohlaydi.
Izoh (0)