Ukraina rahbariyati 12-iyul kuni NATO bosh maʼmuriyatiga murojaat qilib, Rossiyaga zarba berishga qo‘yilgan cheklovlarni olib tashlashni so‘ragan. Bu haqda Reuters nashri xabar berdi.
Ukraina NATO ittifoqchilarini Rossiyadagi nishonlarga zarba bera oladigan uzoq masofali qurollardan foydalanishga qo‘yilgan cheklovlarni bekor qilishga chaqirgan. Ushbu qaror Kiyevning Moskva bilan kurashida “hal qiluvchi” ahamiyatga ega bo‘lishi aytilgan.
NATO aʼzolari Vashingtondagi sammit doirasida Ukrainani qo‘llab-quvvatlovchi deklaratsiya eʼlon qilgan. Mamlakatga qo‘shimcha yordam vaʼda qilingan. Kiyevning NATOga aʼzo bo‘lish yo‘lidagi “ortga qaytmas yo‘li”ni qo‘llab-quvvatlashga kelishilgan. Ammo Rossiyaga zarba berish haqida hech qanday munosabat bildirilmagan.
Zelenskiy hukumati Vazirlar Mahkamasi rahbari Andrey Yermak ommaviy forumda Rossiyaga zarba berish maqsadlari haqida NATO rahbarlariga oshkor qilgan. U Rossiyaga nisbatan qurol ishlatishda hech qanday cheklovlar yo‘qligini va agar Ukraina ittifoqchilari Ukrainaga yetkazib berayotgan qurollardan foydalanish bo‘yicha barcha cheklovlarni olib tashlasa, bu frontdagi kuchlar nisbatini tubdan o‘zgartirishi xabar qilingan.
NATO aʼzolari Ukraina o‘zi uchun “sovg‘a qilingan” qurollardan qanday foydalanishi mumkinligi masalasiga turlicha yondashgan. Ayrim vakillar Kiyev ulardan Rossiya ichidagi nishonlarga zarba berish uchun foydalanishi mumkinligini aytgan. Qo‘shma Shtatlar esa torroq yondashuvni tanlagan — o‘z qurollaridan faqat Rossiya ichida joylashgan, Ukrainadagi harbiy amaliyotlarni taʼminlovchi obyektlarga qarshi ishlatishga ruxsat bergan.
Shaxsan AQSH prezidenti Bayden matbuot anjumanida Qo‘shma Shtatlar Zelenskiyga Amerika qurollarini Rossiya chegaralarida cheklangan tarzda qo‘llashga ruxsat berganini maʼlum qilgan. Frontda vaziyat yomonlashuvi tufayli shunday qarorga kelingani bildirilgan.
Izoh (0)