Xitoylik fuqaro Makedonskiy davriga oid tangani O‘zbekistondan yashirincha olib ketmoqchi bo‘ldi, deb xabar bermoqda “Toshkent—AERO” ixtisoslashtirilgan bojxona kompleksi axborot xizmati.
Holat Toshkent xalqaro aeroportida 12-iyul kuni soat 01:05 larda sodir bo‘lgan. Chegara-bojxona posti xodimlari tomonidan “Toshkent—Urumchi” yo‘nalishi bo‘yicha uchib ketayotgan Xitoy Xalq Respublikasi fuqarosi S.J.ga tegishli yo‘l sumkalari bojxona ko‘rigidan o‘tkazilgan.
Yo‘lovchining sumkasida bojxona nazoratiga taqdim etilmagan, jami 1 dona eramizdan avvalgi taxminan III asrda zarb qilingan Makedonskiy surati tushirilgan oq rangli metalldan yasalgan qadimiy tanga borligi aniqlangan.
Hozirda holat yuzasidan surishtiruv harakatlari olib borilmoqda.
Izoh (0)