“O‘ztemiryo‘lyo‘lovchi” vodiy viloyatlari bo‘ylab harakatlanuvchi shaharlararo yo‘lovchi poyezdlar chipta narxiga o‘zgartirish kiritdi.
Qayd etilishicha, yo‘lovchilarga qulaylik yaratish maqsadida 25-iyul sanasidan Qo‘qon—Namangan—Andijon—Marg‘ilon—Qo‘qon yo‘nalishidagi shaharlararo yo‘lovchi poyezdlar chipta narxiga o‘zgartirishlar kiritiladi.
Shuningdek, ushbu yo‘nalishlarda harakatlanuvchi barcha shaharlararo yo‘lovchi poyezdlari yo‘lovchilari elektron to‘lov tizimi (ATTO) orqali to‘lovni amalga oshirishlari mumkin.
O‘zbekistonda 2024-yil 20-yanvardan boshlab yuqori tezlikda harakatlanuvchi “Afrosiyob” elektropoyezdlari hamda “Sharq”, “Nasaf” va “O‘zbekiston” tezyurar poyezdlarining chiptalar narxi 20 foizga oshgandi. 15-maydan boshlab esa yuqori tezlikda harakatlanuvchi “Afrosiyob” elektropoyezdlarining chiptalar narxlari ekonom klass 20 foiz, biznes klass 30 foiz va VIP klass 40 foiz miqdorda oshgan.
“O‘zbekiston temir yo‘llari” AJ 2024-yilning 1-iyul sanasidan mahalliy yo‘nalishlardagi yo‘lovchi poyezdlar — “Nasaf”, “Sharq”, “O‘zbekiston” poyezdlari chipta narxlarining tarif qismi 25 foizga oshirilishini maʼlum qilgan edi.
Izoh (0)