Ijtimoiy tarmoqlarda “Samarqandda qo‘shni yana kotlovan kovlab qo‘shnisini uyini qulatdi” sarlavhasi ostida videolar tarqaldi. Holat yuzasidan Qurilish va uy-joy kommunal xo‘jaligi vazirligi maʼlumot berdi.
Qayd etilishicha, tarqatilayotgan materialda holatning aynan Samarqand viloyatida sodir bo‘lganini izohlovchi biror maʼlumot keltirilmagan.
“Shuningdek, diqqat bilan tinglansa, tasvir ortida insonlarning chet tilida so‘zlashayotganini ham eshitish mumkin”, deyiladi xabarda.
Tezkor o‘rganish ishlari davomida Samarqand viloyati Qurilish va uy-joy kommunal xo‘jaligi Bosh boshqarmasi tomonidan viloyatning birorta hududida uy-joy qulashi bilan bog‘liq hodisa ro‘y bermagani aniqlangan.
Bir necha oy avval ijtimoiy tarmoqlarda Samarqanddagi mahallalarning birida kotlovan qazish jarayonida qo‘shni uy qulab tushgani haqida xabarlar tarqalgach, holat yuzasidan jinoiy ish ochilgan edi.
Izoh (0)