Ko‘plab blokbaster va dramalardagi rollari tufayli mashhur bo‘lgan amerikalik aktyor va prodyuser Tom Kruz Glastonberi festivaliga tashrif buyurdi. 62 yoshli aktyor qo‘lidagi jarohat Kruz muxlislarining e’tiborini tortdi.
Tadbirda Tom o‘zini hech qanday jiddiy holat sodir bo‘lmagandek tutdi, ammo aktyor qo‘lining ko‘rsatkich barmog‘i atrofiga shikast yetgan edi. Uning surati Metro nashri tomonidan chop etildi. Garchi manbada aktyorning qanday jarohat olgani aniq aytilmagan bo‘lsa-da, Mirror jurnalistlari u “Uddalab bo‘lmas topshiriq” filmining davomini suratga olish paytida jarohatlangan bo‘lishi mumkinligini yozmoqda. Barchaga ma’lumki, Kruz o‘zi ijro etgan filmlarda murakkab kaskadyorlik tryuklarini mustaqil bajarishni istaydi.
Yangi filmning aksariyat qismi Londonda suratga olingan. Hozirda loyiha ishlab chiqarishning aynan qaysi bosqichida ekanligi ma’lum emas. Rahbariyat so‘zlariga ko‘ra, film suratga olish uchun kerak bo‘lgan qimmatbaho uskunaning buzilgani sababli barcha ishlar noma’lum muddatga qoldirilgan.
Izoh (0)