30-iyun kuni Pepsi’ning so‘nggi 15 yildagi birinchi rebrendingiga bag‘ishlab o‘tkazilgan musiqiy festival yakunlandi.
O‘zbekistonning 10 shahrida bo‘lib o‘tgan ushbu yirik bayramona tadbir 115 mingdan ziyod kishini bir yerga jamlab, bu yilgi yozning eng unutilmas va eng yorqin voqeligiga aylandi.
Qarshi, Termiz, Namangan, Andijon, Farg‘ona, Urganch, Nukus, Samarqand, Navoiy, Buxoro – bu shaharlarning barchasi ajoyib musiqiy sayohatning faol ishtirokchisi edi.
8-iyundan boshlab, har dam olish kunlari mashhur rep ijrochilari Konsta va Shokirning chiqishlari hammani birdek xursand qildi.
Festivalda “Bravo” simfonik orkestrining mashhur seriallar va filmlardan jonli treklar ijro etganligi mehmonlarda unutilmas hislarni uyg‘otdi. Double Touch jamoasi hamda DJ King Macarella, DJ Gera, DJ Frost va DJ Diosa’ning sevimli mikslari esa barchaga raqs kayfiyatini ulashdi. Festival atmosferasi har bir mehmonning ko‘tarinki kayfiyati va unutilmas taassurotlariga sababchi bo‘ldi.
Tadbirning yana bir noyob dasturlaridan biri Pepsi Dron Show edi. Beshta shaharda tungi osmon 500 ta dron nuri bilan yorishib, Pepsining eski logotipi yangisiga o‘zgartirilgani aks ettirildi. Dronlar tomoshasi barchani hayajonga solib, yangilanish va taraqqiyot timsoli sifatida nur sochdi. Festivalning yakuniy akkordi — mushakbozlikka navbat kelgach, rang-barang tusga kirgan yorqin osmon mehmonlarda unutilmas taassurotlar qoldirdi.
Tashkilotchilar samimiy emosiyalar, ajoyib drayv va hayratlanarli atmosfera uchun har bir shahar ahliga minnatdorlik bildiradi. Bilasiz, Pepsi har doim o‘z muxlislarini ana shunday yorqin va unutilmas lahzalar bilan xursand qilishga intilgan. Biz ushbu ajoyib bayramni Siz bilan birga nishonlaganimizdan juda ham xursandmiz!
Reklama huquqi asosida.
Izoh (0)