O‘zbekistonlik 20 yoshli suzuvchi delegatsiyaga navbatdagi yo‘llanmani taqdim qildi.
Butunjahon suv sporti turlari federatsiyasi (World Aquatics) Parij-2024 yozgi Olimpiya o‘yinlariga yo‘llanma qo‘lga kiritgan sportchilar nomini eʼlon qildi.
Ahamiyatlisi, ular orasida O‘zbekiston terma jamoasi aʼzosi Anastasiya Zelinskaya ham 4 yillikning eng nufuzli musobaqasi ishtirokchilari qatorida eʼtirof etildi. Sportchi bo‘lajak bahslarda 400 metrga erkin usulda suzish dasturida O‘zbekiston sharafini himoya qiladi.
Shu tariqa O‘zbekiston delegatsiyaning Olimpiadaga olgan litzenziyalari soni 69 taga yetdi.
- Ma’lumot uchun, O‘zbekiston boks federatsiyasi terma jamoaga eng ko‘p litsenziya olib keldi. Parijdagi musobaqada 11 nafar bokschi O‘zbekiston sharafini himoya qiladi.
- O‘zbekiston delegatsiyasi birinchi bor jamoaviy musobaqalarda litsenziyani qo‘lga kiritdi. Futbol bo‘yicha O‘zbekiston jamoasi birinchi bor Olimpiadada qatnashadi.
Izoh (0)