AKFA Group sanoat xoldingi BENKAM zavodining texnik imkoniyatlari va yuqori texnologiyali alyuminiy ekstruziyasi namunalarini taqdim etdi
Joriy yilning 3-5-iyul kunlari Xitoyning Shanxay sharidagi Shanghai New International Expo Center majmuasida Aluminium China 2024 xalqaro ko‘rgazmasi bo‘lib o‘tmoqda.
Aluminium China — Osiyo mintaqasi alyuminiy sanoati uchun eng muhim tadbirlardan biri hisoblanadi. Joriy yilda ko‘rgazmada Xitoy, Germaniya, Italiya, BAA va Yevropa, Yaqin Sharq va Osiyoning boshqa davlatlaridan 450 dan ortiq korxona ishtirok etmoqda. AKFA Group Aluminium China 2024 ko‘rgazmasida O‘zbekistonning yagona vakili hisoblanadi.
Bugungi kunda AKFA Group Markaziy Osiyoda alyuminiy ekstruziyasini ishlab chiqarish bo‘yicha yetakchilar korxonalaridan biri bo‘lib kelmoqda. AKFA Group tarkibiga kiruvchi BENKAM ishlab chiqarish majmuasi Italiya va Koreyadan olib kelingan yuqori texnologiyali ekstruziya presslarining butun arsenaliga hamda ekstruzion qoliplarining keng assortimentiga ega. Bularning barchasi BENKAM’ga sanoatning turli tarmoqlari uchun alyuminiy mahsulotlarini ishlab chiqarish imkonini beradi.
“Aluminium China 2024” ko‘rgazmasida AKFA Group tomonidan eʼlon qilingan xoldingning raqobatbardosh ustunligi aynan ana shudir. Shu munosabat bilan, AKFA stendida “Navoiy” EIZda joylashgan “BENKAM” zavodining ishlab chiqarish salohiyati va texnik imkoniyatlari namoyish etildi.
Bundan tashqari, AKFA Group qurilish sanoati hamda transport va energetika sohalari uchun yuqori texnologiyali alyuminiy ekstruziyasi namunalarini namoyish etmoqda. Bu mahsulotlar ham eksport qilinib, AQSh, Kanada va Yevropa mamlakatlari bozorlarini bosqichma-bosqich zabt etmoqda.
Shu bilan birga, Green-EX va REGreen-EX brendlari ostidagi mahsulotlarga ham alohida e'tibor qaratilmoqda. Ushbu mahsulotlar atrof muhitga minimal ta'sir ko'rsatadigan ekologik toza alyuminiy profillar hisoblanadi. Green-EX va REGreen-EX brendlari ostidagi alyuminiy ekstruziyasi AKFA Group kompaniyasining issiqxona gazlari chiqindilarini minimallashtirish va uglerodsiz kelajak sari yangi texnologiyalarni joriy etish bo‘yicha olib borayotgan ishlari natijasidir.
5-iyulga qadar davom etadigan ko‘rgazma doirasida AKFA Group Yevropa va Osiyo-Tinch okeani mintaqasidagi qator kompaniyalar vakillari bilan muzokaralar olib borishi kutilmoqda. AKFA Group rahbariyati aytishicha, Aluminium China 2024 hamkorlik aloqalari va berish geografiyasini yanada kengaytirish uchun yangi istiqbollar ochadi.
Reklama huquqi asosida.
Izoh (0)