Toshkent shahar Shayxontohur tumanida bir-biriga tutash qurilgan xonadonlarda yong‘in sodir bo‘ldi. Bu haqda FVB xabar berdi.
Unga ko‘ra, 3-iyul kuni soat 13:54 da Shayxontohur tumani, Quvur ariq 2-tor ko‘chasida joylashgan bir-biriga tutash qurilgan 3 ta xonadonda yong‘in sodir bo‘lgani to‘g‘risida tuman FVBga xabar tushgan.
7 ta yong‘in-qutqaruv ekipaji soat 14:00 da voqea joyiga yetib borib, yong‘in soat 14:25 da o‘rab olingan va soat 14:47 da o‘chirilgan. Hodisa oqibatida tan jarohati olgan va halok bo‘lganlar yo‘q.
Hozirda yong‘in sababi va moddiy zarar miqdori aniqlanmoqda.
Izoh (0)