O‘zbekistonda qurilish korxonalari yanvar—may oylarida 4 trillion so‘mga yaqin soliq to‘lagani ma’lum bo‘ldi.
Xabar berilishicha, 2024-yil yanvar—may oylarida qurilish faoliyati bilan shug‘ullanuvchi 32 635 ta yuridik shaxs tomonidan 3,9 trillion so‘mdan ortiq soliq to‘langan. Shundan 439 milliard so‘mi, ya’ni 11,2 foizi 20 ta korxona hisobiga to‘g‘ri keladi. Ularning jami tovar aylanmasi 5,2 trillion so‘mdan ziyod, qo‘llagan soliq imtiyozlari miqdori esa 56,3 milliard so‘m.
Eng ko‘p soliq to‘lagan 20 ta korxona tomonidan qo‘llangan soliq imtiyozlari hamda to‘langan soliqlar batafsil quyidagi infografikada keltirilgan.
Ushbu soliq to‘lovchilar tomonidan ta’minlangan tushumlar soliq turlari kesimida:
- QQS — 222,1 milliard so‘m;
- JSHODS — 75,3 milliard so‘m;
- ijtimoiy soliq — 64,4 milliard so‘m;
- foyda solig‘i — 62,2 milliard so‘m;
- mol-mulk solig‘i — 7,3 milliard so‘m;
- yer solig‘i — 6,9 milliard so‘m;
- boshqa soliqlar — 0,8 milliard so‘m.
O‘zbekistonda 2024-yil 1-may holatiga ko‘ra qurilish sohasida soliq qarzi (100 mln so‘mdan yuqori) mavjud bo‘lgan korxonalar soni 968 ta bo‘lib, ularning jami soliq qarzi 820,4 mlrd so‘mni tashkil etgan.
Maʼlum qilinishicha, shundan 324,2 mlrd so‘mi, yaʼni 39,5 foizi 10 ta korxona hisobiga to‘g‘ri keladi.
Izoh (0)