Birlashgan Millatlar Tashkiloti “Tolibon” harakatining Dohada bo‘lib o‘tadigan Afg‘oniston bo‘yicha konferensiyasida ishtirok etish niyatini olqishlaydi va bu Tolibon va xalqaro hamjamiyat o‘rtasida ishonch o‘rnatish jarayonini boshlash uchun zarur, deb hisoblaydi.
Biz jarayonni davom ettirishga va muhim maslahatlashuv mexanizmini saqlab qolishga harakat qilmoqdamiz. Dohadagi konferensiyada “Tolibon” rasmiylarning unda ishtirok etishga tayyorlanayotgani haqidagi bayonotini olqishlaymiz, — deb taʼkidladi BMT Bosh kotibining Afg‘oniston bo‘yicha maxsus vakili Roza Otunboeyva.
Vakil xalqaro huquqiy majburiyatlarini hurmat qilgan holda Afg‘onistonning xalqaro hamjamiyatga to‘liq reintegratsiyalashuvini mustaqil baholashda ko‘rsatilgan maqsadga e’tiborni qaratishni zarur deb hisoblagan.
Avvalroq “Tolibon” vakili Zabihulloh Mujohid Tolibon 30-iyun—1-iyul kunlari Dohada bo‘lib o‘tadigan Afg‘oniston bo‘yicha BMT konferensiyasida ishtirok etishini ma’lum qilgan. 11-iyun kuni Rossiya prezidentining Afg‘oniston bo‘yicha maxsus vakili, Tashqi ishlar vazirligining ikkinchi Osiyo departamenti direktori Zamir Kabulov rejalashtirilgan anjumandagi ishtiroki haqida xabar bergan.
Dohada BMT shafeligidagi so‘nggi konferensiya fevral oyida bo‘lib o‘tgan, unda 25 ta davlat vakillari Afg‘oniston bilan o‘zaro hamkorlik bo‘yicha “yo‘l xaritasi”ni muhokama qilgan. “Tolibon” ularni qo‘llab-quvvatlamagan afg‘on faollarining konferensiyaga taklif qilinishiga ham, uning kun tartibiga ham rozi emasligini bildirib, yig‘ilishda qatnashishdan bosh tortgan edi.
Izoh (0)