Toshkent shahridagi Temur Malik ko‘chasi (Toshkent halqa yo‘li) kengaytirilishi munosabati bilan Buyuk Turon ko‘prigi (Buyuk ipak yo‘li ko‘chasi bilan kesishmasidagi) o‘rnida 1-avgustga qadar aylanma yo‘l tashkil etildi. Bu haqda Mirzo Ulug‘bek tumani hokimligi maʼlum qildi.
Avtomobillar harakatini tartibga solish maqsadida chorrahalarga maxsus svetoforlar o‘rnatilgan.
Temur Malik ko‘chasining yo‘l o‘tkazgich ostidagi qismi to‘rt tasmali olti qatorga kengaytirilmoqda. Uning chetida joylashgan xususiy uylarni buzib, ular o‘rnida ko‘p qavatli uy va xizmat ko‘rsatish binolari qurish reja qilingan.
Avvalroq Toshkent shahar Yunusobod tumani Temur Malik ko‘chasidagi Salar—Xojikent temiryo‘l bekatlari oralig‘idagi temiryo‘l kesishmasining yo‘l izida nosozlik yuzaga kelgani to‘g‘risida xabar berilgandi.
Izoh (0)