Boks bo‘yicha sakkiz vazn toifasida sobiq jahon chempioni Menni Pakyao iyul oyida ko‘rgazmali jangda ishtirok etadi.
Rizin maxsus qoidalar bo‘yicha o‘tkaziladigan ko‘rgazmali jangni e’lon qildi. 28-iyul kuni Pakyao MMA jangchisi Chihiru Suzukiga qarshi ringga ko‘tariladi.
45 yoshli Pakyao 2021-yilda WBC kamari uchun Yordenis Ugasga qarshi jangda mag‘lub bo‘lganidan so‘ng faoliyatini yakunlagan edi.
Menni ilk bor 1995-yil yanvar oyida Edmund Entingga qarshi professional ringda debyutini o‘tkazgan. O‘sha jangda Pakyao hakamlar qaroriga ko‘ra g‘alaba qozongan. Uning hisobida 62 ta g‘alaba (39 tasi nokaut), 8 ta mag‘lubiyat va 2 ta durang mavjud.
Izoh (0)