Quyoshdan himoya sifatida ishlatila boshlagan SPF kremlar ba’zi ayollarda vaqt o‘tib teridagi muammolarni keltirib chiqaradi va yuzda yallig‘lanish hamda husnbuzarlar paydo qiladi. Buning boisi nimada?
Kosmetolog-eskpert yallig‘lanish va toshmalarga moyil yog‘li yuz terisi uchun quyoshdan himoya vositasini tanlashda nimalarga e’tibor berish kerakligi haqida so‘zlab berdi.
Yoz faslida epidermis ko‘proq yog‘ va ter ajratadi, uning yuzasida joylashgan bakteriyalar issiqlik ta’sirida yanada ko‘payadi. Shuning uchun hatto quruq teri ham yaltirab turadi va ko‘proq toshmalar paydo bo‘ladi. Yog‘li, aralash yuz terisiga ega ayollarda sebum ko‘p miqdorda ishlab chiqariladi. Issiqlik ta’sirida to‘yinmagan yog‘ kislotalarining miqdori ortadi, pH ko‘rsatkichi o‘zgaradi va mikrobioma — terining himoya qatlamiga putur yetadi.
Shu sababli yog‘li yuz terisi sifatsiz kosmetik vositalarga ta’sirchan bo‘ladi. Yuz terisiga zarar yetkazmaydigan yuqori sifatli SPF kremlarni tanlashda quyidagilarga rioya etish lozim:
- Mahsulotdan foydalanganda yuz terisida qizarish, qichishish kabi alomatlar bo‘lmaydi;
- Krem tarkibi yuzga agressiv ta’sir qiladigan moddalarni o‘z ichiga olmaydi;
- Sifatli SPF yuzga bir tekis qatlamda va osonlik bilan surtiladi;
- Yuzga surtilgach, teri nafas olishi seziladi va qulaylik hissini beradi.
Ushbu parametrlarga mos quyoshdan himoya qiluvchi kremlar asosi gipoallargen silikonli yog‘ va gigroskopik polimerlardan iboratdir. Ular terida toshmalar va komedonlar hosil qilmaydi.
Izoh (0)