Germaniya, Fransiya va Polsha Rossiyaning gibrid tahdidlari oldida umumiy Yevropa xavfsizlik siyosatining yetakchisi sifatida har qachongidan ham kuchliroq bo‘lishni xohlaydi, deya Deutsche Welle xabar berdi.
Germaniya tashqi ishlar vaziri Annalena Berbok fransuz va polshalik hamkasblari Stefan Sejurne va Radoslav Sikorskiy bilan Veymar uchburchagi formatidagi uchrashuvidan so‘ng endi tashqi siyosatni avtopilotda olib borishni o‘ziga ep ko‘rmasligini ta’kidladi.
Shuning uchun biz, Veymar uchburchagi, o‘zimizni Yevropa Ittifoqi sifatida to‘g‘ri joylashtirish va geosiyosiy jihatdan yanada qobiliyatli bo‘lish uchun harakatlantiruvchi kuch bo‘lishni xohlaymiz, — deya qo‘shimcha qilgan u.
Shu bilan birga uch nafar vazir yevropaliklarni Yevropa Ittifoqidagi demokratiyani himoya qilishga chaqirgan. Uning ta’kidlashicha, bugungi kuchli va barqaror Yevropa demokratiyasi ham baxt, ham avvalgi avlodlarning xizmatlaridir. Germaniyalik vazir demokratiya osmondan tushmagani, kerak bo‘lsa himoyaga muhtojligini aytgan.
Ko‘ryapmizki, Yevropa Ittifoqi hozirda tashqaridan ham, ichkaridan ham hujumga uchramoqda. Yevropa saylovlari arafasida dezinformatsion kampaniyalar Yevropa demokratiyasining yuragiga hujum qilish niyatida, — deydi Berbok.
Veymar uchburchagi formati
Veymar uchburchagi 1991-yilda Germaniya hukumati tashabbusi bilan tashkil etilgan. Dastlab, formatning maqsadi Polsha va boshqa Sharqiy Yevropa davlatlarini Yevropa Ittifoqi va NATOga yaqinlashtirish bo‘lgan. Yillar davomida bu vazifaning dolzarbligi kamaygan, ammo mazkur formatdagi guruh Rossiya—Ukraina urushidan keyin tez-tez uchrasha boshlagan.
Izoh (0)