Fintex bozorining yetakchilaridan biri Alif — Xitoy brend avtomobillarining O‘zbekistondagi rasmiy dileri bo‘lgan Beni Motors (BYD Samarkand) bilan hamkorlik o‘rnatdi. Endilikda Alif mijozlari ishonchli yetkazib beruvchidan islomiy moliyalashtirish tamoyillariga to‘liq javob beradigan qulay va shaffof shartlar bilan avtomobil xarid qilishlari mumkin.
Raqamlar shuni ko‘rsatadiki, avtomobillarga bo‘lgan ehtiyoj tobora o‘sib bormoqda. Iqtisodiy tadqiqotlar va islohotlar markazi ma’lumotlariga ko‘ra, 2023-yilda mamlakatimizda 1,69 mln. dona avtomobil sotilgan. Bu 2022-yilga nisbatan 18% ga ko‘pdir.
Alif o‘z mijozlari uchun eng dolzarb va zarur bo‘lgan yechimlarni taqdim etishga harakat qilmoqda. Kompaniya BYD Samarkand rasmiy dileri bilan hamkorlikni yo‘lga qo‘ydi. Mijozlar mazkur brendning talab yuqori bo‘lgan va hammabop avtomobillarini islomiy tamoyillarga to‘liq javob beradigan Alif Nasiya muddatli to‘lov shartlari bilan sotib olishlari mumkin.
Mijoz uchun qanday imtiyoz va afzalliklar bor:
- Penya hisoblanmasligi. Agar mijoz turli sabablarga ko‘ra o‘z vaqtida oylik to‘lovni amalga oshira olmasa, jarima undirilmaydi.
- Muddatidan oldin to‘lovni amalga oshirish imkoniyati. Xaridor avtomobilning umumiy qiymatini jarimalarsiz oldindan to‘liq to‘lashi mumkin. Bu esa umumiy to‘lovlar summasini kamaytirish va to‘lov muddatini qisqartirish imkonini beradi.
- Garovga qo‘yishdagi keng imkoniyatlar. Garov sifatida rasmiy daromadidan tashqari boshqa manbalarni ham ko‘rsatish mumkin — biznes, ko‘chmas mulk, pul tushumlari va hokazo. Uchinchi shaxsning kafilligi talab etilmaydi, biroq ijobiy moliyaviy tarixga ega shaxslarni kafil sifatida ko‘rsatishingiz mumkin.
- Ariza berishga qulay tizim. Mijoz avtosalonda avtomobilni tanlashi hamda onlayn ariza topshirishi mumkin. Xodimlar uni tezkorlik bilan ko‘rib chiqishadi. Ariza ma’qullanganidan keyin kompaniya avtosalon bilan avtomobilni xarid qilish to‘g‘risida shartnoma tuzadi.
- Oddiy to‘lov tizimi. To‘lovlarni Alif Mobi ilovasi orqali amalga oshirish mumkin. Mijoz onlayn rejimda to‘lovlarni amalga oshirish grafigini ko‘ra oladi. Shuningdek, bank orqali kompaniya hisobiga to‘lov qilish ham mumkin.
Avtomobilni muddatli to‘lovga onlayn ravishda ham Alif Shop marketpleysida “Elektromobillar” bo‘limi orqali xarid qilish imkoni mavjud.
Ta’kidlash kerakki, kompaniya Alif Nasiya muddatli to‘lovi bo‘yicha birinchi avtomobilni sotdi. Toshkentda istiqomat qilayotgan mijozga BYD Chazor shikast yetkazilmagan holatda yetkazib berildi. Yetkazib berish va sug‘urta qilish bo‘yicha xavf-xatarlarni kompaniya o‘z zimmasiga oldi.
Alif tufayli fuqarolar endi o‘zlari orzu qilgan avtomobilni ishonchli dilerdan qulay va shaffof shartlar bilan xarid qilishlari mumkin.
Batafsil ma’lumot olish uchun quyidagi telefon raqamiga qo‘ng‘iroq qilishingiz mumkin: +998 55 702 88 88.
Sayt: alifshop.uz
Avtosalon manzili: Samarqand shahri, Oydin yo‘li ko‘chasi, 15. Mo‘ljal – eski avtovokzal.
Reklama huquqi asosida.
Izoh (0)