Mashhurlarning hayotida ularni dunyoga keltirgan, birinchi qadamlarini qo‘yishga va jamiyatda o‘z o‘rnini topishda yordam bergan juda muhim shaxs ularning onasi hisoblanadi. Buni qarangki, Gollivud yulduzlarining yorqin ko‘rinishini aslida ulardan ham go‘zalroq onalaridan meros bo‘lib o‘tgan.
Liza Bone, Zoi Kravitsning onasi
Aktyor Chenning Tatum “Divergent” filmi yulduzi Zoi Kravits bilan turmush qurish arafasida — ular uch yildan ko‘proq vaqt davomida yaqin munosabatda bo‘lib, bir yil avval unashtirilgan. Bo‘lajak qaynona, maftunkor Liza Bone qizining tanlovini qo‘llab-quvvatladi. Ona va qiz bir-biri uchun eng yaqin sirdoshlardir. Ular ko‘p vaqtini birga o‘tkazadi, Zoi onasini o‘zi bilan ijodiy kechalarga olib kelib turadi.
Tina Noulz, Beyonsening onasi
Hurliqo Tina Nouls professional modelyer va tadbirkor ayol bo‘lib, “Pushti panterra”, “Taqdir bolasi” kabi filmlar uchun kostyumlar yaratgan. Uning turli xayriya tashkilotlari ham mavjud.
Kenniya Bolduin, Heyli Biber (Bolduin)ning onasi
Jastin Biberning rafiqasi Heyli onasiga ikki tomchi suvdek o‘xshaydi. Keniya avval aktrisalik bilan shug‘ullangan. Uning ajoyib tashqi ko‘rinishiga brazilcha, portugal, italyan va ispan genlari sababchidir. Ijtimoiy tarmoqlarda top-model Heyli onam va men ikki egizakdekmiz, deya hazil qiladi.
Sari Kessler, Margo Robbining onasi
Aktrisa Margo Robbi onasi — avstraliyalik fizioterapevt Sari Kesslerga tashqi jihatdan juda o‘xshaydi. Sari Margoni va uning uchta opa-ukasini yolg‘iz tarbiyalagan. Margoning otasi u 4 yosh bo‘lganida oilani tashlab ketgan. Ular oddiy hayot kechirishdi, dehqonchilik bilan shug‘ullanishdi. Ammo bugun baxtli hayot kechirmoqda: Margo Robbining onasi qizi nafaqat nufuzli aktrisa bo‘lib yetishganidan, balki o‘z baxtini ham topganidan quvonadi.
Kris Jenner
Kardashyan opa-singillarning onasi, sobiq styuardessa, hozirda esa qizlarining prodyuseri bo‘lgan Kris Jenner o‘z oilasini millionlab dollar olib keladigan brendga aylantirgan.
Edriyen Banfild-Jons, Jada Pinket-Smitning onasi
Garchi aktyor Uill Smit va Jada Pinkett-Smit ajrashib ketgan bo‘lsa-da, eng go‘zal qaynonalar reytingida yulduzni ham aytib o‘tishni lozim deb topdik. O‘zining 70 yoshida Jada maftunkorligini yo‘qotmagani bilan muxlislarini lol qoldirib kelmoqda.
Karen Lourens, Jennifer Lourensning onasi
“Hayot-mamot o‘yinlari” yulduzi Jennifer Lourensning kinoga bo‘lgan qiziqishi bolaligidanoq ota-onasi tomonidan qo‘llab kelingan. Uning onasi Karen qizi bilan birga boshqa shaharga ko‘chib, karyerasini yo‘lga qo‘yib olguncha yordamini ayamagan.
U qizining prodyuser va rejissyor Darren Aronofskiyga turmushga chiqmoqchi ekanligi haqidagi xabarni quvonch bilan qabul qildi. Intervyulardan birida u intiqlik bilan nabirali bo‘lishni kutayotganini bildirgan.
Izoh (0)