Andijon viloyati Asaka tumanida Lacetti rusumli transport vositasida yong‘in chiqdi. Bu haqda viloyati IIB Yo‘l harakati xavfsizligi boshqarmasi xabar berdi.
Qayd etilishicha, 15-may kuni soat 11:20 larda Asaka tumani “Qashqar” mahallasi Ziyolilar ko‘chasidan o‘tgan 4R-112E Asaka—Humo avtomobil yo‘lining 2-kilometrida 58 yoshli S.A.ga tegishli Lacetti rusumli transport vositasining dvigatel qismidagi nosozlik tufayli yong‘in kelib chiqqan.
Yong‘in oqibatida transport vositasining old qismi qisman yonib ketgan, tan jarohati olganlar yo‘q.
O‘t o‘chiruvchi ekipajlar tomonidan hozirda yong‘in bartaraf etilib, qo‘shimcha surishtiruv ishlari olib borilmoqda, — deyiladi xabarda.
14-may kuni Toshkent shahri Uchtepa tumanida Cobalt rusumli transport vositasi yonib ketgani to‘g‘risida xabar berilgandi. Undan oldin esa Andijon viloyati Shahrixon tumanida harakatlanib ketayotgan “Jiguli”, Namanganda Damas yongandi.
Izoh (0)