Kay Haverts “Manchester siti” bilan bahsda “Tottenhem” jamoasini qo‘llashini aytdi

“Arsenal” yarim himoyachisi Kay Xaverts APLning 37-turida “Manchester Yunayted” ustidan qozonilgan g‘alaba (1:0) haqida fikr bildirdi.

“Biz o‘yinga juda yaxshi tayyorgarlik ko‘rdik. O‘zimizning eng yaxshi o‘yinimizni ko‘rsata olmadik. Bizga uch ochko kerak edi va biz ularga erishdik, shuning uchun xursand bo‘lishimiz mumkin.

Biz har bir o‘yinda g‘alaba qozonishimiz kerak, chunki “Siti” doimo bosim o‘tkaza oladi. Siz har hafta bor kuchingiz bilan o‘ynashingiz kerak. Bunday harakatlar sizga zavq beradi.

14-may kuni “Manchester Siti”ga qarshi o‘yinda “Tottenhem”ning eng katta muxlisi bo‘laman. Keling, eng yaxshisiga umid qilaylik”, — deb Haverts so‘zlarini keltiradi Sky Sports.

“Arsenal” Angliya chempionatida 37 o‘yinda 86 ochko to‘plagan. London klubi turnir jadvalida birinchi o‘ringa qaytdi va “Manchester Siti” bilan chempionlik uchun kurashni davom ettirmoqda. Manchester klubi bir uchrashuv kam o‘tkazib, 85 ochko to‘plashga muvaffaq bo‘lgan. 

APLning qoldirilgan 34-tur bahsida “Manchester siti” 14-may kuni “Tottenhem” bilan bahs olib boradi.