Chirchiq shahridagi ”Yangi O‘zbekiston” massivida bunyod etilgan 5-son oilaviy poliklinika binosi foydalanishga topshirildi. Tadbirda viloyat hokimi Zoir Mirzayev boshchiligidagi nuroniylar, mehnat faxriylari va jamoatchilik ishtirok etdi.
Uch qavatli zamonaviy shifo maskani “Shoxruh qurilish dizayn” MCHJ bunyodkorlari tomonidan qurib bitkazilgan bo‘lib, qurilish-montaj ishlariga 14,168 milliard so‘m miqdorda mablag‘ sarflangan.
250 o‘ringa mo‘ljallangan mazkur tibbiyot muassasasi shahardagi 8 ta mahallada istiqomat qiluvchi 25 mingdan ziyod aholiga tibbiy xizmat ko‘rsatadi. Ular uchun chinakam ma’noda tuhfa bo‘ldi deyish mumkin. Bu yerda 14 nafar malakali shifokor va 52 nafar o‘rta tibbiyot xodimi faoliyat olib boradi, — deydi tadbir qatnashchilari.
Chirchiq shahrida shuningdek, “Ma’naviyat xiyoboni” ham foydalanishga topshirildi.
Ta’kidlanishicha, xiyobon “Shoxruh qurilish dizayn” mas’uliyati cheklangan jamiyati tomonidan 1 milliard 400 million so‘m mablag‘ evaziga qurib bitkazilgan.
Aholi uchun dam olish va madaniy hordiq chiqarish maqsadida tashkil qilingan manzilda turli ko‘ngilochar tadbirlar, ma’naviy-ma’rifiy kechalar o‘tkaziladi, — deydi viloyat hokimligi axborot xizmati rahbari Bekzod Qobulov.
Izoh (0)