Namanganda erkak 7 yashar qizchaga uyatsiz harakatlar qilganlikda gumonlanib, jinoyat ishi qo‘zg‘atilgan edi. Bolalar ombudsmanining xabar berishicha, ushbu harakatlarni sodir etgan otaxon ushlandi.
Yangi Namangan tumanida yashovchi 68 yoshli erkak 7 yoshli qizga buzuq harakatlar qilgani uchun ayblanuvchiga nisbatan Jinoyat kodeksining 129-moddasi 1-qismi bilan joriy yilning 5-aprel kuni jinoyat ishi qo‘zg‘atilgan edi.
Dastlabki tergov davomida o‘tkazilgan tergov harakatlari natijasida joriy yilning 1-may kuni B.I. qilmishi Jinoyat kodeksining 119-moddasi 4-qismi bilan qayta malakalandi va u protsessual tartibda ushlandi. Sudga kiritilgan iltimosnoma asosida sud tomonidan B.I. ga “qamoq” ehtiyot chorasi qo‘llanildi.
Bugungi kunda jinoyat ishi yuzasidan Yangi Namangan tuman IIB huzuridagi Tergov boshqarmasi tomonidan tergov harakatlari olib borilmoqda.
Qayd etilishicha, Bolalar ombudsmani o‘z vakolatlari doirasida mazkur ish yuzasidan kuzatuvni davom ettiradi.
Izoh (0)