La Liga. “Real” safarda raqibini tor-mor etdi (video)

Futbol bo‘yicha Ispaniya La Ligasining 35-turida “Real” 11-may, shanba kuni “Granada”ga qarshi bahs olib bordi.

Uchrashuvning 38-daqiqasida Fran Garsiya hisobni ochdi. Bo‘lim so‘ngida Arda Gyuler hisobni ishonchli ko‘rinishga olib keldi.

Ikkinchi bo‘lim boshida Braim Dias madridliklarning uchinchi goliga mualliflik qildi. 58-daqiqada esa Dias dublni rasmiylashtirdi. 

Qolgan daqiqalarda darvozalar ishg‘ol etilmadi va “qaymoqranglilar” 4:0 hisobida g‘alaba qozondi.

La Liga

35-tur

11-may, shanba

“Granada” — “Real” 0:4

Gollar: 0:1 – 38 Fran Garsiya, 0:2 – 45+2 Gyuler, 0:3 – 49 Braim Dias, 0:4 – 58 Braim Dias.

“Granada”: Batalya, Mendes (Rikard Sanches, 74), Mikel, Piontkovski, Neva, Pelistri, Yuzvyak (Kalexon, 46), Gumbau (Vilyar, 53), Ruis (Ongla, 53), Uzuni (Melendo, 81), Boye.

“Real Madrid”: Kurtua, Ryudiger (Nacho, 70), Militao, Fran Garsiya, Modrich (Kroos, 70), Sebalyos, Kamavinga, Vaskes, Braim Dias, Gyuler, Xoselu.

Ogohlantirishlar: Boye (25), Gumbau (45).