Naoya Inoue, Terens Krouford va Oleksandr Usik. The Ring jurnali P4P reytingini yangiladi

The Ring Naoya Inoueni vazn toifasidan qat’i nazar eng yaxshi bokschi deb tan oldi.

Jurnal may oyidagi reytingni yangiladi. Unga ko‘ra birinchi yarim yengil vazn toifasida mutlaq jahon chempioni Naoya Inoueni birinchi o‘rinni egalladi. 6-may sanasida yaponiyalik bokschi Luis Nerini mag‘lub etib, kamarlarini himoya qildi. 

2-o‘rinni yarim o‘rta vazn toifasida WBA, WBC va WBO chempioni Terens Krouford egalladi. Kuchli uchlikni og‘ir vazn toifasida IBF, WBA va WBO chempioni Oleksandr Usik yakunlab bergan. 

Top-5 reyting quyidagicha ko‘rinish olgan:

1. Naoya Inoue, birinchi yarim yengil vaznda mutlaq jahon chempioni;
2. Terens Krouford, yarim o‘rta vazn toifasida WBA, WBC va WBO yo‘nalishlari chempioni;
3. Oleksandr Usik, og‘ir vaznda IBF, WBA va WBO chempioni;
4. Saul Alvares, super o‘rta vazn toifasida mutlaq jahon chempioni;
5. Artur Beterbiyev, yarim og‘ir vazn toifasida IBF, WBC va WBO chempioni.