Futbol bo‘yicha Rossiya Premyer Ligasining 27-turidan o‘rin olgan “SSKA” hamda “Rubin” jamoalari o‘rtasidagi bahs 6-may sanasida bo‘lib o‘tdi.
-MYZiiczp.jpeg)
Uchrashuvning 42-daqiqasida mehmonlar vakili Rojkov hisobni ochdi. Birinchi taymning qo‘shib berilgan daqiqalarida o‘zbekistonlik Abbosbek Fayzullayev bosh bilan zarba berib hisobni tenglashtirdi.
Uchrashuvning 72-daqiqasida Abbosbek Fayzullayev himoyachi bilan kurashga kirishdi va uning halaqit berishi natijasida mehmonlar futbolchisi to‘pni Chalovga qulay tarzda yetkazib berdi. Natijada “SSKA” futbolchisi gol urib mezbonlarni hisobda oldinga olib chiqdi.
Uchrashuvning qo‘shib berilgan daqiqasida Daku o‘z hisobiga gol yozib qo‘ydi va uchrashuv durang natija bilan tugadi.
“SSKA” navbatdagi safar tayyor g‘alabani qo‘ldan chiqardi. Mehmonlar tarkibida harakat qiluvchi ikki o‘zbekistonlik futbolchi — Umarali Rahmonaliyev hamda Rustam Ashurmatov maydonga tushirilmadi.
Izoh (0)