Kongoda maymunchechak epidemiyasi e’lon qilindi. Bu haqda mamlakat sog‘liqni saqlash vaziri Jilberi Mokokiga tayanib, Reuters xabar berdi.
Ta’kidlanishicha, mamlakatda 19 ta kasallik holati tasdiqlangan. Aholiga hayvonlarga yaqinlashmaslik sharti e’lon qilingan. Ayni paytda mamlakatda ushbu kasallikdan o‘lim holatlari qayd etilmagan. Kanadalik tadqiqotchilar Kongoning sharqiy qismida “pandemiyaga moyil” bo‘lgan maymun chechagining xavfli yangi turini aniqlagandi.
Olimlar ushbu turdagi virus odamlar orasida, asosan, jinsiy aloqa orqali tarqalishi oshganini aytgan. Tadqiqotchilar yangi shtammning ba’zi mutatsiyalari mavjud testlar bilan aniqlanmasligini ta’kidlamoqda. Mutaxassislar jarayonga aralashilmasa, kasallik milliy va xalqaro miqyosda tarqalishi mumkinligini ma’lum qilgan.
Izoh (0)