Jahonga mashhur yulduzlar bir qarashda tashvishsiz va jozibali hayot tarzini yashab o‘tayotgandek tuyuladi. Ammo bir vaqtlar yirik gonorar olib kelgan badavlat san’atkorlar ham moliyaviy qiyinchilik va krizisni boshidan kechirishi mumkin. Biz bankdagi hisob raqamida avvallari millionlab puli bo‘lgan, so‘ng ularni bir zumda yo‘qotgan mashhurlar hikoyalarini to‘pladik.
Maykl Jekson
Pop musiqa qiroli, afsonaviy Maykl Jekson o‘z vaqtida dunyodagi eng badavlat san’atkor bo‘lgan. U shaxsiy samolyot, hashamatli uylar va mashinalar sotib olishga qurbi yetar, yuzlab yordamchilar xizmatidan foydalana olish imkoniyati bo‘lgan. Ammo 2005-yilda Maykl Jeksonni pedofiliyada ayblashgan va Kaliforniyada uzoq davom etgan sud jarayonida pop-yulduz advokatlar va tovon puli uchun millionlarni sarflagan. 2009-yil 25-iyunda Jekson to‘satdan vafot etganida, uning qarzlari 500 million dollardan oshib ketgani ma’lum bo‘ldi.
Nikolas Keyj
“O‘g‘irlangan”, “Alomat”, “G‘azab”, “Kreyser” kabi filmlari bilan mashhur aktyor Nikolas Keyj 2000-yillar boshida juda badavlat inson edi. Uning umumiy boyligi 200 million dollarga baholangan. So‘ng aktyor pullarni sarflashda e’tiborsizlik qila boshladi: turli mashinalar sotib oldi, soxta bo‘lib chiqqan antikvar buyumlarga katta pul tikdi, bir necha marta uylanib, ajrashdi. Xayriyatki, aktyor oqibatda o‘ziga keldi va mablag‘laridan oqilona foydalana boshladi. Ammo uning boyligi sezilarli darajada kamaygan edi.
Mayk Tayson
Og‘ir vaznda mutlaq jahon chempioni Mayk Tayson sport karyerasi davomida umumiy 400 million dollar pul ishlagan. Bokschi tovar yorlig‘iga qaramay olmoslar, mashinalar va uylar ola boshladi. Har kuni katta miqdorda pul sarflashga o‘rganib qolgan Tayson soliqlar, alimentlar va boshqa moliyaviy majburiyatlarni unutib qo‘ydi. Bir kuni Mayk barcha qarzlarini birdaniga to‘lashi kerak bo‘lib, naqd pul zaxiralarini tugatdi va faqat 2018-yilda o‘z biznesini ochish orqali moliyaviy qiyinchiliklardan chiqa oldi.
50 cent
2000-yillarning eng mashhur va badavlat reperlaridan bo‘lgan 50 cent (asl ismi Kyortis Keyms Jekson III) bir vaqtlar bir nechta biznesini yo‘lga qo‘ygan edi. Ammo ochko‘zlik hayotini barbod qildi. O‘z vaqtida to‘lanmagan soliq va alimentlar 32 million dollardan oshib ketdi va natijada reper bor pullarini sarflab qo‘ydi.
Toni Brekston
Yetti karra Gremmi mukofoti sovrindori o‘zini ikki marta bankrot deb e’lon qilgan. Moliyaviy inqirozga uning ovoz yozish kompaniyasi tomonidan aldangani va o‘zining haddan ortiq isrofgarchilikka yo‘l qo‘ygani sabab bo‘lgan.
T-Pain
Mashhur reper nochorlik nimaligini juda yaxshi biladi. Boshqa yulduzlar o‘zidan hech nimani ayamagan bir vaqtda T-Pain yaqinlaridan bolasi uchun burgerga pul so‘ragan vaqt ham bo‘lgan. Bir vaqtlar uning moliyaviy ahvoli 40 000 000 dollarga baholanganiga ishonish qiyin.
Larri King
Bugungi kunda juda badavlat yulduzning bir vaqtlar moliyaviy inqiroz yoqasida bo‘lganiga ishonish qiyin. Hamkori bilan yuzaga kelgan mojaro uni so‘nggi pulidan ham ayrilishiga sabab bo‘lgan. 1978-yilda mualliflik shousini olib borish taklif qilinganidan keyin Larri Kingga omad kulib boqqan.
Izoh (0)