O‘zbekiston Olimpiya terma jamoasining Kuvaytga qarshi o‘yinidan keyin bosh murabbiy Temur Kapadze va bugungi o‘yinning eng yaxshi futbolchisi Hojimat Erkinov matbuot anjumanida ishtirok etdi. Eslatib o‘tamiz, ushbu uchrashuv 5:0 hisobida O‘zbekiston foydasiga hal bo‘ldi.
Barchani bugungi g‘alaba bilan tabriklayman. Muhim o‘yinda 3 ochkoni qo‘lga kiritdik. Qo‘llab-quvvatlagan barcha muxlislarimizga rahmat aytaman.
O‘tkazilgan 2 o‘yinning farqi
Har doim birinchi o‘yinlar qiyin kechadi. Bugun ham oson o‘yin bo‘lgani yo‘q. Raqib himoyada yaxshi harakatlandi. Biroq biz ham yetarlicha qarshilik ko‘rsatib g‘alaba qozondik. Endilikda keyingi uchrashuvlarga e’tiborimizni qaratib, tayyorgarlikni davom ettirishimiz kerak.
Vetnamga qarshi o‘yin va keyingi bosqich haqida
Biz uchun har bir o‘yin muhim. Barcha futbolchilar o‘yinga tayyor bo‘ladi. Ishlashda va tayyorgarlik ko‘rishda davom etamiz.
Keyingi bosqichda kim bilan o‘ynashimiz – buni albatta vaqt ko‘rsatadi. Nasib bo‘lgani bo‘ladi. Bizning o‘z maqsadimiz bor, shu yo‘lda tayyorgarlikni davom ettiramiz.
Ushbu o‘yinning eng yaxshi o‘yinchisi Hojimat Erkinov ham o‘z fikrlarini bildirib o‘tdi:
Bizni stadiondan va televizor ortidan qo‘llab-quvvatlagan barcha yurtdoshlarimizga rahmat. G‘alaba bilan tabriklayman. O‘yinga kelsak, birinchi bo‘limda raqib himoya yaxshi harakatlandi. Zich o‘ynadi. Ikkinchi bo‘limda biz ko‘proq imkoniyat yaratib, hisobni yiriklashtira oldik.
Keyingi bosqichdagi raqib haqida
Murabbiyimiz ta’kidlaganidek, biz tayyorgarlikda davom etamiz, kim bilan o‘ynashimiz hozirda ma’lum emas. Shu sababli bu haqida o‘ylamasdan, o‘z maqsadimiz yo‘lida ishlashda davom etishimiz kerak, deya Erkinovning so‘zlarini keltirgan O‘FA matbuot xizmati.
O‘zbekiston Olimpiya terma jamoasi ushbu g‘alabadan so‘ng chorak final yo‘llanmasini qo‘lga kiritdi. Jamoa so‘nggi uchrashuvni Vetnamga qarshi o‘tkazadi. Uchrashuv 23-aprel kuni bo‘lib o‘tadi.
Izoh (0)