Isroil harbiylari 20-aprel kuni G‘arbiy Sohil hududida amalga oshirgan amaliyotlarda 5 nafar tinch aholi vakillari halok bo‘ldi. Bu haqda CNN nashri G‘arb nashrlariga tayanib, xabar berdi.
Manbaga ko‘ra, 20-aprel kuni G‘arbiy Sohil hududida kamida 30 kishi jiddiy sabablarsiz hibsga olingan. Qarshilik ko‘rsatganlar otib tashlangan.
Falastinning “Vafa” rasmiy axborot agentligi xabar berishicha, isroillik harbiylar bosib olingan G‘arbiy Sohil shimolidagi Tulkarm aholi punktini o‘qqa tutgan. Hududda joylashgan Nur ash-Shams qochqinlar lageri vayron qilingan.
Isroil mudofaa kuchlari o‘z harakatlarini qochqinlar lageri hududida terrorchilar jamlangani bilan izohlagan. Lager hududida bir qancha qidiruvdagi shaxslar qo‘lga olingani, binolar tintuv qilinib, portlovchi moddalar topilgani xabar qilingan.
Ijtimoiy tarmoqlarning arab segmentida tarqalgan videolar Isroil harbiylari tomonidan qochqinlar lageriga intensiv hujumlar tashkil etilganini tasdiqlaydi. Hujumlarda, shuningdek, voyaga yetmaganlar halok bo‘lgani maʼlum bo‘lgan.
Falastin nashrlari xabar berishicha, isroillik harbiylar falastinliklar jasadlarini yashirib, tez yordam brigadalari hududga yetib borishiga to‘sqinlik qilgan. Lagerga olib boradigan barcha yo‘llarda harbiy mashinalar joylashtirilgan va hududda razvedka samolyotlari uchmoqda.
Izoh (0)