G‘ulomjon Abdullayev Parij—2024 Olimpiadasiga yo‘llanmani qo‘lga kiritdi

O‘zbekistonlik G‘ulomjon Abdullayev o‘z faoliyatida ikkinchi bor Olimpiada ishtirokchisiga aylandi.

Sport kurashlari bo‘yicha O‘zbekiston terma jamoasi a’zosi delegatsiyaga Parij-2024 Olimpiadasining navbatdagi yo‘llanmasini taqdim qildi. Qirg‘izistonda o‘tayotgan litsenzion musobaqada erkin kurashchi G‘ulomjon Abdullayev -57 kg vazn toifasining finaliga yetib keldi.

Ushbu natija o‘zbekistonlik sportchiga ikkinchi bor Olimpiya o‘yinlari litsenziyasini taqdim qildi. Musobaqada G‘ulomjon Abdullayevdan tashqari quyidagi sportchilar ham Olimpiada yo‘llanmasi uchun kurash olib bormoqda:

• -65 kg: Umidjon Jalolov;
• -74 kg: Bekzod Abdurahmonov;
• -97 kg: Magomed Ibragimov;
• -125 kg: Hasanboy Rahimov.

Erkin kurashchi G‘ulomjon Abdullayev Tokio-2020 Olimpiadasida chorak final bahsida rossiyalik sportchiga mag‘lub bo‘lib, turnirni tark etgan.