Maykl Chendler Konor Makgregorga qarshi jang yangi vazn toifasidagi kamar uchun bo‘lib o‘tishi mumkinligini aytdi

Maykl Chendler Konor Makgregorga qarshi jang titul uchun bo‘lib o‘tishi mumkinligini inkor etmadi.

“-74 kg vazngacha bo‘lgan toifadagi kamar uchun jang haqida mish-mishlar tarqalgandi. Lekin hali bu tasdiqlanmadi. Jang yangi vazn toifasidagi kamar uchun bo‘lib o‘tishi tasdiqlansa ham hayron bo‘lmayman.

UFC’da nima bo‘lishini oldindan bilolmaysan, ular ko‘p narsani sir tutishadi. Hatto, biz o‘zimiz ham juda kech xabar topamiz”, — deydi Maykl.

Chendler va Makgregor o‘rtasidagi jang UFC 303 doirasida 30-iyun kuni bo‘lib o‘tadi. Turnir Las-Vegasda o‘tkaziladi. 

Eslatib o‘tamiz, Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.

Chendler esa 2022-yilning noyabr oyida Poryega mag‘lub bo‘lgandi.