Turk kino sanoatining yorqin juftligi Burak O‘zchivit va Fahriye Evjenning turmushi hamjihatlik va baxt namunasidir. Ular 2017-yilda turmush qurgan va hozirda ikki nafar farzandi — Karan va Kerem ismli o‘g‘illari tarbiyasi bilan mashg‘ul.
![](/static/2024/04/17/photo_2024-04-17_15-23-14-mUQV8AQK.jpg)
13-aprel kuni mashhurlar oilasi to‘ng‘ich farzandining 5 yoshga to‘lgani munosabati bilan “Transformerlar” filmiga monand dekoratsiya va bayram dasturi tashkil qildi. Ajoyib animatorlar esa villaga to‘plangan mehmon va bolalarga ko‘tarinki kayfiyat ulashdi.
![](/static/2024/04/17/photo_2024-04-17_14-52-57 (3)-LKGzA62w.jpg)
![](/static/2024/04/17/photo_2024-04-17_14-52-57-N--moaNW.jpg)
“Transformerlar” kinokomiksi uslubida ishlangan foto zonasida oilaning barcha a’zolari esdalik uchun suratga tushishdi. Darhaqiqat, taklif etilgan animatorlar ham bayram dasturiga mos bo‘lgan robotlar ko‘rinishida namoyon bo‘ldi.
![](/static/2024/04/17/photo_2024-04-17_14-52-58-X6eImDEV.jpg)
Tug‘ilgan kunda bolalar turli o‘yingohlar, sovun pufakchalari shousi hamda bir necha qavatli tortdan bahramand bo‘lishdi. Dasturxonga tortilgan shirinliklar ham, ulkan tort ham “Transformerlar” kinosi asosida maxsus tayyorlangan edi.
![](/static/2024/04/17/photo_2024-04-17_14-52-57 (2)-jARqveQf.jpg)
Burak va Fahriye Instagram’dagi sahifalarida bayramdan foto va videoreportajlar bilan bo‘lishdi. O‘zchivit rasmlarga “Tavallud ayyoming bilan, o‘g‘lim! — deya izoh qoldirdi. Obunachilar sevimli aktyorini ushbu quvonchli kun bilan tabriklab, minglab izohlar qoldirdi.
![](/static/2024/04/17/photo_2024-04-17_14-52-56-NcXrdQxG.jpg)
Darvoqe, yanvar oyida mashhurlar oilasi kenja farzandining ilk tug‘ilgan kunini ham katta bayram sifatida nishonlagan edi.
Izoh (0)