Futzal. O‘zbekiston terma jamoasi Osiyo Kubogini g‘alaba bilan boshladi (video)

Futzal bo‘yicha Osiyo Kubogining 1-turidan o‘rin olgan O‘zbekiston va Avstraliya jamoalari o‘rtasidagi uchrashuv 17-aprel sanasida bo‘lib o‘tdi.

Uchrashuvning 5-daqiqasida avstraliyalik futzalchi Ueyd Jiovenali hisobni ochdi. Ushbu hisob birinchi bo‘limning so‘nggigacha saqlanib qoldi.

Ikkinchi taymni O‘zbekiston terma jamoasi hujumkor ruhda boshladi. 
21-daqiqada Akbar Usmonov hisobni tenglashtirdi.

Oradan bir daqiqa o‘tib Dilshod Rahmatov hisobni 2:1 ko‘rinishiga olib keldi.

Shundan keyin ham o‘zbekistonlik futzalchilar o‘z omadlarini hujumda izlab ko‘rishdi. Dilshod Rahmatov 36-daqiqada dubl qayd etib hisobni 3:1 ko‘rinishiga olib keldi.

Uchrashuvning 38-daqiqasida Garner hisobni qisqartirdi. Ushbu hisob uchrashuv so‘nggigacha saqlanib qoldi va o‘zbekistonlik futzalchilar o‘z hisoblariga dastlabki uch ochkoni yozib qo‘yishdi. 

Futzal. Osiyo Kubogi

1-tur bahsi

17-aprel, chorshanba

O‘zbekiston – Avstraliya 3:2

Gollar: 0:1 — Ueyd Jiovenali (5), 1:1 — Akbar Usmonov (21), 2:1 — Dilshod Rahmatov (22), 3:1 — Dilshod Rahmatov (36), 3:2 — Tayler Garner (38).