Samarqand viloyatida noqonuniy ravishda qazib olingan oltinni sotishga uringan shaxs qo‘lga olindi.
Qayd etilishicha, DXX Samarqand viloyati boshqarmasi hamda Iqtisodiy jinoyatlarga qarshi kurashish departamenti viloyat boshqarmasi xodimlari Paxtachi tumanida tezkor tadbir o‘tkazgan.
Tadbirda mazkur tumanda yashovchi G‘.Sh. va K.I. tarkibida oltin bo‘lgan ruda toshlarini “Qoraqo‘ton” oltin koni hududidan noqonuniy ravishda qazib olib, yashash manzilida qayta ishlash orqali sof oltin quyma shakliga keltirgan holda mahalliy fuqaroga uning 145 grammini 205 million so‘mga sotayotgan vaqtda qo‘lga olinib, protsessual tartibda hujjatlashtirilgan.
Hozirda, ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilishi rejalashtirilib, surishtiruv harakatlari olib borilmoqda.
Yanvar boshlarida Samarqandda noqonuniy oltin qazuvchilar 753 mln so‘mlik elektr energiyasini o‘g‘irlagani ma’lum bo‘lgandi. 2022-yil yanvar boshlarida esa Navoiyda oltinni noqonuniy kovlab olishga uringan 5 kishini tuproq bosib qolgan, ularning jasadi chuqurlikda qariyb 2 hafta qolib ketgan edi.
Izoh (0)