Ushbu krossover O‘zbekiston hududida payvandlash va kuzovi bo‘yalishidan tortib, to avtomobillarning so‘ngi sinovdan o‘tkazilishigacha bo‘lgan jarayonlarni o‘z ichiga oluvchi to‘liq texnologik tsikl (CKD) bo‘yicha ishlab chiqarilayotgan Kianing ilk modeli hisoblanadi. Avtomobil O‘zbekistonda uchta komplektatsiyada, modelga oldindan buyurtma berishni boshlash davrida maxsus narx bo‘yicha taqdim etiladi:
Kia Sonet – ixcham zamonaviy shahar krossoveridir. Ushbu so‘ngi urfdagi krossover zamonaviy dizayn, qulaylik va ilg‘or texnologiyalarni taklif etib, bular uni yosh va o‘zini hurmat qiluvchi insonlar orasida mashhur smart-krossoverga aylantiradi.
Kichik o'lchamlariga qaramay, Sonet taniqli bo‘lgan “Yo‘lbars tabassumi” radiator panjarasiga hamda “yurak urishi” uslubidagi yorug‘likdiodli optikasiga ega. Sonetning so‘nggi urfdagi qiyofasi e’tiborni o‘ziga jalb etadi, “yo‘ltanlamas” elementlar esa unga yanada dadil va qat’iyatli ko‘rinish baxsh etadi. Katta, yer sathidan 205 mm ga teng balandlik tufayli Sonet uchrashi mumkin bo‘lgan deyarli har qanday vaziyatda o‘zini ishonchli his qiladi.
Sonetning interyeri ko‘plab jozibali yechimlarga ega. U o‘zida zamonaviy “integratsiyalashtirilgan” qurilmalar paneli va multimedia tizimining ekranini, rangni tanlash imkoniyatiga ega bo‘lgan interyer zonalarining yoritilishini, mobil qurilmalarni simsiz zaryadlash paneli va USB ulagichlarining mavjudligini uyg‘unlashtiradi.
Sonet, shuningdek, kichik krossoverlarda kamdan-kam hollarda uchraydigan premiyum toifasidagi Bose audio tizimini taklif etadi. Uzunligi – 4120 mm, kengligi – 1790 mm va balandligi – 1625 mm (tomdagi reylinglarni hisobga olgan holda – 1642 mm) bo‘lgan o‘zining ixcham o‘lchamlariga qaramay, Sonet ikkinchi qator o‘rindiqlarining oddiy holatida yetarli darajada katta bo‘lgan 392 litr hajmli yukxonaga ega.
Kia Sonet – yaxshi muvozanatli va texnik jihatdan mukammal avtomobil bo‘lib, vaqt sinovidan o‘tgan, maksimal quvvati 115 ot kuchiga teng bo‘lgan to‘rt silindrli 1,5MPI benzinli dvigatel bilan jihozlangan. Dvigatel olti pog‘onali mexanik transmissiya yoki avtomatik uzatish qutisiga taqlid qilauvchi va dvigatel aylanishlarini optimal oraliqda saqlaydigan “intellektual” variatorli IVT bilan juftlikda ishlaydi.
Shuningdek, avtomobilni haydash uslubi va yo‘l sharoitlariga yanada aniqroq moslashtirish uchun harakat rejimlarini tanlash tizimi mavjud. Kia Sonetning barcha taqdim etilayotgan komplektatsiyalari old privodlidir.
Classic komplektatsiyasida krossover olti bosqichli mexanik uzatmalar qutisi bilan jihozlanadi. Avtomobilning 100 km/soat tezlikka tezlashishi 10,6 soniyaga teng, kombinatsiyalangan tsikldagi yoqilg‘i sarfi 6,5 l/100 km. Sonet Classic konditsioner bilan jihozlanadi, o‘rindiqlar kombinatsiyalangan (mato/sun’iy charm) qoplamga ega. 215/60R16 shinali shtamplangan po‘lat diskli 16 dyuymli g‘ildiraklar o‘rnatiladi.
Kia Sonet Prestige Maksimal komplektatsiyasida oyna osti chizig‘i xromlangan moldinglari, 215/60R16 shinali 16 dyuymli yengil qotishma diskli g‘ildiraklar, tomdagi elektr privodli lyuk, tashqi ortni ko‘rish ko‘zgularni buklanishi elektr privodi, qizil chokli sun’iy charm bilan bezatilgan o‘rindiqlar, old o‘rindiqlarning ventilyatsiyasi tizimi, charm qoplamli rul va transmissiya selektori dastagi, elektroxromli (o‘z-o‘zidan xiralashadigan) ECM salon ko‘zgusi, Avto funksiyali haydovchi eshigining oyna ko‘targichi, interyer jabhalarining dinamik yoritilishi, pedallardagi metall qoplamalar, 4,2 dyuymli displeyga ega Supervision qurilmalar paneli, Drive Mode Select haydash rejimini tanlash tizimi, old parkovka datchiklari, 7 dinamikli Bose audiotizimi va markaziy konsoldagi mobil uskunalarni simsiz zaryadlash paneli bilan jihozlangan.
Ta’kidlash joizki, Kia an’anaviy ravishda asosiy e’tiborni xavfsizlikka qaratadi. Sonetning kuzovi bardoshli po‘latdan, jumladan, yuqori chidamli va o‘ta yuqori chidamli navlaridan tayyorlangan. Avtomobil old xavfsizlik yostiqchalari bilan, Prestige konfiguratsiyasi esa – yon xavfsizlik yostiqchalari va pardachalari bilan jihozlangan. Bundan tashqari, avtomobil tormoz blokirovkasiga qarshi tizim (ABS), kurs barqarorligi tizimi (ESC), qiyalikda qo‘zg‘alishga yordam tizimi (HAC), shinalardagi bosimni nazorat tizimi (TPMS) hamda ISOFIX bolalar o‘rindig‘ini mahkaklanishi va harakatlanish paytida eshiklarni avtomatik qulflash kabi xavfsizlik tizimlari bilan jihozlangan.
Sayt: kia.uz
Instagram: @kia__uzbekistan
Telegram: t.me/kia_rasmiy
Telegram-bot: t.me/kiauzbekistanbot
Reklama huquqi asosida
Izoh (0)