Tataristonning Yelabuga va Nijnekamsk shaharlaridagi korxonalarga 2-aprel kuni dronlar hujum qildi. Bu haqda respublika rahbari Rustam Minnixonovning matbuot xizmati xabar berdi.
Hodisa oqibatida bir necha kishi jabrlangan, ammo jiddiy vayronagarchiliklar haqida xabar berilmagan. “TASS” nashri ikki kishi jarohat olganini yozmoqda. Baza Telegram kanali xabariga ko‘ra, dron hujumi oqibatida besh kishi jabrlangan. Xabarda uchta dron “Alabuga” maxsus iqtisodiy zonasi hududiga qulagani ta’kidlanadi.
Dastlabki ma’lumotlarga ko‘ra, zavodlardan biri va yotoqxona shikastlangan.
Portlashlar ertalab soat oltilarda sodir bo‘lgan, — deb yozmoqda Mash Telegram kanali.
Shot Telegram kanaliga guvohlarning aytishicha, dron hujumi Yelaz-Nefteproduct neftni qayta ishlash zavodida sodir etilgan. Ularning so‘zlariga ko‘ra, ertalab soat yettida “Alabuga” maxsus iqtisodiy zonasidagi mahalliy yotoqxona hududiga ikkita dron qulagan, keyin bir necha portlash sodir bo‘lgan.
Yangilangan ma’lumotlarga ko‘ra, Tataristonda dron hujumi natijasida yetti kishi jarohat olgan. Shifokorlar ko‘rigidan o‘tgan uch kishi allaqachon uyiga jo‘natilgan. Qolganlar kasalxonaga yotqizilgan.
Shuningdek, hujumda ishtirok etgan barcha dronlar NATO mamlakatlari uskunlari bilan jihozlangani maʼlum bo‘ldi, — deb xabar berdi “Alabuga” maxsus iqtisodiy zonasi.
Izoh (0)