AQSH prezidenti Jo Bayden rossiyalik hamkasbi Vladimir Putinni “qassob” deb atadi. Baydenning nutqi Oq uy saytida e’lon qilindi.
Bayden Ukrainaga yordam ajratish uchun boylardan olinadigan soliqni oshirish haqida gapirar ekan, Putinni ham tilga oldi.
Bu bilan nima qilishimiz mumkinligini tasavvur qiling. Biz federal byudjet taqchilligini sezilarli darajada kamaytirishimiz mumkin. Ketma-ket bajarishimiz kerak bo‘lgan ishlar juda ko‘p. Bular qatorida Ukrainani “qassob” Putindan himoya qilish ham bor, — dedi AQSH prezidenti.
Bu Baydenning Rossiya prezidentini ochiqchasiga haqorat qilgan birinchi holat emas. Jumladan, 2021-yil aprel oyida u Putinni qotil deb atagan edi. Keyinroq Oq uyning sobiq matbuot kotibi Jen Psaki Bayden ma’muriyati Rossiya bilan munosabatlarida sobiq Donald Tramp hukumatiga nisbatan boshqacha yondashishini aytgan.
2022-yilning may oyida esa Bayden rossiyalik hamkasbini harbiy jinoyatchi deb atagandi. Fevral oyida Navalniy o‘limidan so‘ng Amerika yetakchisi Putin “o‘z xalqiga qarshi dahshatli jinoyatlar sodir etayotganini” aytgandi.
Izoh (0)