Samarqandda 13 yashar bola Damas’da oyog‘i zanjir bilan kishanlangan holda topilgandi. Holat yuzasidan jinoyat ishi qo‘zg‘atildi.
IIB axborot xizmati rahbari Jahongir Sagdullayev bergan ma’lumotga ko‘ra, bu haqda xabar viloyat IIB 102 operatoriga 16-mart kuni xabar kelib tushgan va hududga IIB xodimlari borib, holatni rasmiylashtirgan. Bolani “Voyaga yetmaganlarga ijtimoiy-huquqiy yordam ko‘rsatish markazi”ga joylashtirib, psixolog yordamida zaruriy ko‘maklar berish choralari ko‘rilgan.
“Ezgulik” jamiyati faoli Abdurahmon Tashanovning yozishicha, bolani bandi holatda ko‘rgan atrofdagilar 102 ga qo‘ng‘iroq qilgan. IIO xodimlari zo‘ravon shaxsning sobiq xodim ekanini bilgach, atrofdagilarga bu holatning zo‘ravonlik bo‘lmagani haqidagi dalolatnomaga qo‘l qo‘ydirgan.
Bosh prokuratura matbuot xizmati rahbari Hayot Shamsutdinov bolaga nisbatan zo‘ravonlik qilinganligi holati yuzasidan Jinoyat kodeksining 138-moddasi (zo‘rlik ishlatib g‘ayriqonuniy ravishda ozodlikdan mahrum qilish) bilan jinoyat ishi qo‘zg‘atilganini ma’lum qildi.
Hozirda ichki ishlar organlari tomonidan tergov harakatlari olib borilmoqda. Tergov jarayoni nazoratga olingan.
Izoh (0)